Ne çekmişiz hele defʿ-i humâr edinceye dek

Ne çekmişiz hele defʿ-i humâr edinceye dek

Bu gûne tarh-ı gam-ı rûzgâr edinceye dek

Ne denlü hidmetimiz geçdi âstânesine

Fakîre pîr-i mugan iʿtibâr edinceye dek

Hesâbı var mı düşen hâke dâne-i eşkin

Felekde murg-ı safâyı şikâr edinceye dek

Huzûr-ı izzete yüz yerde arz-ı hâl etdi

O serv-i dil-keşi dil der-kenâr edinceye dek

Neler çeker ramazân içre ıyde dek göresin

Nedîm terk-i mey-i hoş-güvâr edinceye dek