Müstezâd-ı işve ol hatt-ı nevin îcâdıdır

Müstezâd-ı işve ol hatt-ı nevin îcâdıdır

Zülfünün terkîb-bend-i fitne hâtır-zâdıdır

Hârişinden el-amân kâbil mi kim ol âfetin

Girye mevc-efzâ-yı âh-ı hançer-i bîdâdıdır

Dil mi koydu âh kim hun-keşte-i cevr etmedik

Gamze-i dil-dûzun el-hak kârının cellâdıdır

Bî-sütun Ferhâda hem-âheng ise Kaysın dahı

Nâle-i zencîr usûl-i nağme-i feryâdıdır

Resm-i ebrûsun görüp Mânî n'ola reşk eylese

Bu Nedîmin nakş-ı nevk-i hâme-i Bihzâdıdır

Nedîm