Mihr-i âlem davi-i hüsne dırâz ettikçe dest

Mihr-i âlem davi-i hüsne dırâz ettikçe dest

Rûy-ı pür tâbında anı ay düşürdü hor u pest

Ey sanem verir leb-i lalin Mesîhâ’dan haber

Gûyiyâ hâl-i lebin bir Hindû-yı âteşperest

Darb-ı seng-i hicr ile âyîne-i dil münkesir

Câm-ı vaslından umarlar âşık-ı hâtırşikest

Nûş edelden câm-ı lebrîz-i muhabbetden gönül

Oldu güyâ mest-i medhûş-ı mey-i bezm-i elest

Ehl-i aşk olan çeker bu bezm-i fânîden ayağ

Nefiyâ ger rind isen ol kûşe-i vahdetnişest

Nef'î