Mestâne nigehle beni bir kec-küleh-i mest

Mestâne nigehle beni bir kec-küleh-i mest

Mest eyledi te'sîr idermiş nigeh-i mest

Pür cürm ise de ta`nı ko ey zâhid-i hod-bîn

Bî-`ayb u riyâdur hele cürm ü güneh-i mest

Bilmez yolunı hânkâhun rind-i mey-âşâm

Sapmaz der-i mey-hâneden elbette reh-i mest

Arâm idemez gûşe-i gülzâra da varsa

Mey-hânede bir hum dibidür tekyegeh-i mest

Yahyâ ne aceb nâz şarâbına düşünmüş

Ol gamze-i mahmûr o çeşm-i siyeh-i mest