Mest olup ‘âşık-ı rüsvâ yakasın çâk eyler

Mest olup ‘ âşık-ı rüsvâ yakasın çâk eyler

Düşüben kûy-ı harâbâta özin hâk eyler

Bilmezem nice göreyüm ben o mâhuñ yüzini

Bakıcak gün yüzine gözümi nemnâk eyler

Sûziş-i ‘ aşkuñ ile âh idicek ben her dem

Şerer-i âteş-i dil ‘ azmini eflâk eyler

Dil-i dîvâne senüñ görmeyeli zülf ü ruhuñ

Sanma cânâ giceden gündüzi idrâk eyler

Görüp agyâruñ elinde ayagın dildâruñ

Bâkî gamdan çeküben yakasını çâk eyler