Mest oldu yâr gamzeleri nâza başladı

Mest oldu yâr gamzeleri nâza başladı

Her bir nigehte bir reviş-i tâze başladı

Bildirdi bir nigehle dile gamze kasdını

Ne keşfe ne mükâşefe-i râza başladı

Gamze değil bu şubedebâz-ı girişmedir

Sihri bitirdi şîve-i icâza başladı

Sanma ki etti zülfünü tahrîk-i rûzigâr

Bâl açtı tûtî-i hatı pervâza başladı

Nefî nedir ney-i kaleminde bu nağmeler

Güyâ ki her terânede bir sâza başladı