Menüm tek hiç kim zar ü perişan olmasun ya Rab

Menüm tek hiç kim zar ü perişan olmasun ya Rab

Esir-i derd-i ışk u dağ-ı hicran olmasun ya Rab

Demadem cevrlerdür çekdügüm bi-rahm bütlerden

Bu kafirler esiri bir müselman olmasun ya Rab

Görüp endişe-i katlümde ol mahı budur derdüm

Ki bu endişeden ol meh peşiman olmasun ya Rab

Çıkarmak etseler tenden çeküp peykanın ol servün

Çıkan olsun dil-i mecruh peykan olmasun ya Rab

Demen kim adli yoh ya zulmü çoh her hal ile olsa

Gönül tahtına andan özge sultan olmasun ya Rab

Cefa vü cevr ile mu 'tadem anlarsuz nolur halüm

Cefasına had ü cevrine payan olmasun ya Rab

Fuzûlî buldu genc-i afiyet meyhane küncinde

Mubarek mülkdür ol mülk viran olmasun ya Rab