Melâlüm mübtelâ-yı zülf-i cânân olmayan bilmez

Melâlüm mübtelâ-yı zülf-i cânân olmayan bilmez

Benüm hâlüm esîr-i kâfiristân olmayan bilmez

Bu denli gussalar gamlar içinde handemün sırrın

Gubâr-ı hattun esrârıyla hayrân olmayan bilmez

Lebin meclisde dil-ber dişledi bildüm nedür kasdı

Inen nâzükdür anı ârif-i cân olmayan bilmez

Cemâlün mushafında sürh-ı la`lün vakf-ı âyetdür

Bu râzı vâkıf-ı esrâr-ı Kur'ân olmayan bilmez