Leşker-i müjgânı ki bir Kahramân’dır her biri

Leşker-i müjgânı ki bir Kahramân’dır her biri

Gamzesiyle ceng eder sâhibkırândır her biri

Günde bin kan eylemek çok mu o hûnî gözlere

Gördüğüne rahmı yok bir bîamândır her biri

Gamzeler hod çâkçâk etmekde dâim dilleri

Söyleşilmez tut ki şemşîr-i zebândır her biri

Âteşîn dillerle pür tâb ol kadar gîsûları

Gûyiyâ bir ejder-i âteşfeşândır her biri

Âferîn Nefî yine tab-ı gazelperdâzına

Penc beytin nüsha-i sihr-i beyândır her biri