Laʿl-i nâbın çâşnî-senc-i itâb etmez misin

Lutf edüp kahr ile olsun bir hitâb etmez misin

Kâmetin seyreyle insâf et o bâlâ mısraʿı

Zâhidâ sen şâʿir olsan intihâb etmez misin

Perde-pûş oldukda hat ruhsârına fikr et hele

Etdiğin işlerden ey meh-rû hicâb etmez misin

Gâh engüşt-i muhannâsın gehî laʿlin emüp

Dâne-i unnâb ile nûş-ı şarâb etmez misin

İşte subh oldu amân mestânesin kâfir yeter

Baʿd-ezin bir lahza meyl-i câme-hâb etmez misin

Yok mu bir lutfun Nedîm-i zârına ıyd üstüdür

Defter-i hicrânı sultânım hesâb etmez misin

Son Yazılar