Kızarur bâdeden ol nergis-i mestâne biraz

Kızarur bâdeden ol nergis-i mestâne biraz

Mey-i nâb içse gözi mâ’il olur kana biraz

Çekemez kimse ayagum diyü lâf urma iñen

Sâkıyâ elleşelüm gel berü meydâne biraz

Câna kâr eylemesün dârû-yı kattâl-i gamı

Mey-i gül-gûn içelüm bârî hakîmâne biraz

Behremend eyler idi bûs-ı lebüñden cânı

Dönmese tursa eger ‘ ahdine peymâne biraz

Nice bir dagdaga-i bahs u cidâl ey Bâkî

Varalum ayş idelüm meclis-i rindâne biraz