Kırmada uşşâkı hep tîg-ı cihântâb-ı nâz,

Kırmada uşşâkı hep tîg-ı cihântâb-ı nâz

Gamzesi ammâ yine mest-i şekerhâb-ı nâz

Gamze değil âleme turfa belâdır ki hîç

Halkı esîr etmeğe istemez esbâb-ı nâz

Def-i humâr etmeğe tâkatı yok çeşminin

Durmaz eder dâimâ gamzesi işrâb-ı nâz

Dâmen-i zülfünden el çekmez idi dil eğer

Pençesini burmasa pençe-i pür tâb-ı nâz

Âşık eder miydi hiç sencileyin ârifi

Bilmese Nefî o şûh şîve-i âdâb-ı nâz