Kûh-ı mihnetdür başum her sû yaşum ırmâglar

Kûh-ı mihnetdür başum her sû yaşum ırmâglar

Firkatünde çekdigüm âlâmı çekmez tâglar

Sanma müjgânum hayâlün şâh-bâzın sayd ide

Ey hümâ-sâyem kurupdur çeşm-i giryân aglar

Egleyen zencîr-i zülfünle ruhun gülzârıdur

Yohsa tutmazdı dil-i şeydâyı degme bâglar

Aşık-ı bî-çâreler mehçûr a`dâ pür-sürûr

Andelîbân dûr tutmuş sahn-ı bâgı zâglar

Solmasun Yahyâ gülistân-ı belânun gülleri

Eksük olmasun gönülden tâze tâze dâglar