Kâse-i ser ki yolunda garka-i hûn âb olur

Kâse-i ser ki yolunda garka-i hûn âb olur

Bahr-ı aşka geh habâb olur o geh girdâb olur

Âhına incinme gâhî âşık-ı dîvânenin

Neylesin bîçâre gördükce seni bîtâb olur

Aşkı olmaz yine hâlî hîç âb u tâbdan

Kendisi bîtâb olursa dîdesi pür âb olur

Dil giriftâr olmamak kâbil mi bend-i zülfüne

Anı dâma çekmeğe her halka bir kullâb olur

Ârif ol gam çekme Nefî böyle kalmaz rûzgâr

Lutf eder bir gün Hudâ elbette feth-i bâb olur

Nef'î