Kâmet mi bu yâ fitne-i berpâ-yı kıyâmet

Salınsa tutar âlemi gavgâ-yı kıyâmet

Reftâr değil âleme bir turfa belâdır

Seyr eden eder sanki temâşâ-yı kıyâmet

Dehre bu kadar velvele verince hırâmın

Sarsılsa nola zelzeleden cây-ı kıyâmet

Olursa kıyâmette kadin gibi dilâşûb

Cân ile eder halk-ı temennâ-yı kıyâmet

Dildâde-i kaddinde kalır mı dahi nâmûs

Hak eylemesin kimseyi rüsvâ-yı kıyâmet

Rüsvâ-yı dü kevn etti beni ol kad ü kâmet

Şimdiden geri ne bîm ü ne pervâ-yı kıyâmet

Nefî gibi yok pâyına yüz sürmeğe çâre

Tutsam nola dâmânını ferdâ-yı kıyâmet

Nef'î

Son Yazılar