Kâmet-i mevzûnunun mânendi yokdur bir nihâl

Kâmet-i mevzûnunun mânendi yokdur bir nihâl

Nahl-i gül kûtâh serv-i bâg ise bî-i`tidâl

Ar ider çignetmeden bâri muhallâ eylenüz

Na`l-i esbin eyleye tâ kim misâl-i rûy-mâl

Gülşen-i işretde katmer kırmızı gül sanuruz

Bâde-i gül-gûna aks itdükçe ol ruhsâr-ı âl

Hâtır-ı pâkine gelmezsem de yârün gam degül

Konmasun mir'ât-i tab`-ı yâre tek gerd-i melâl

Söylemezsin diyü eyler miydi Yahyâ i`tirâz

Ol dehân-ı yârde bulmasa bir cây-ı makâl