Kurtuluş yok sitem-i gamze-i fettânından

Kurtuluş yok sitem-i gamze-i fettânından

Çeşm-i sermestinin âdem mi geçer yanından

Mâiliz gamzesine her ne kadar âfet ise

Hele âşüfte değil zülf-i perîşânından

Zülfünün dahi perîşânlığı bîhûde değil

Neylesin lerze tutar cünbiş-i müjgânından

Zülfü de kaddine üftâde geçer sâye gibi

Çekmez anınçün elin kûşe-i dâmânından

Söylemez söylemez ammâ söze gelse Nefî

Ne cevâhir dökülür kilk-i dürefşânından