Kimseye ‘aşkuñda izhâr itmedüm meftûnlugum

Kimseye ‘ aşkuñda izhâr itmedüm meftûnlugum

Bildiler hâl-i derûnum gördiler mahzûnlugum

La’ lüñe teslîm ider cân borcın inkâr itmezin

Kılmasun gamzeñ tekâzî çekmesün medyûnlugum

Âleme leylî saçuñ sevdâsın izhâr eylerin

Nev-bahâr eyyâmıdur bir gün tutar mecnûnlugum

Vaz geldi câna dil-ber tîr-i müjgân urmadan

Anlamışdur ol peri-sûret meger vurgunlugum

Olmadum Bâkî-sıfat mâlik metâ’ -ı vaslına

Gitdi elden nakd-i cân âhir görüñ magbûnlugum