Kime fâş eylesin dil derdini feryâddan gayri

Kime fâş eylesin dil derdini feryâddan gayri

Kime yansın yakılsın âh-ı âteş-zâddan gayri

Çekerken zevrak-ı sahbâ-yı tûfan-hîzi ey sâkî

Sadâ-yı dil-keş olmaz her çi bâd âbâddan gayri

Getirmiş havza-i teshîre tîg-istân-ı müjgânı

Gönül mü kurtulur ol gamze-i cellâddan gayri

Yürekler mi döyer hiç ey perî ol tâb-ı ruhsâra

Seni kimler görür âyîne-i pûlâddan gayri

Ne vazʿ eyler Nedîmâ gevher-endûzân-ı irfâna

Felek dedikleri hârâ-ciger bî-dâddan gayri