Kaşuñ kemânı kendüyi haylî gerer çeker

Kaşuñ kemânı kendüyi haylî gerer çeker

Korkum bu sîne tîr-i müjeñden zarar çeker

Hûrşîd esîr-i aşkuñ olupdur eşi ’adan

Boynında tavk-ı şevk ile zencîr-i zer çeker

Mihnet-sarây-ı dehre gelüp ayş u nûş iden

Bir dem hoş olsa bir nice gün derd-i ser çeker

Açılma câm-ı bâde-i gül-gûna goncavâr

Nâzüklük ile la’l-i lebüñden haber çeker

Bâkî hemîşe gör bu hum-ı nîl-gûnı kim

Dürd-i belâ vü derdini merd-i hüner çeker