Kaçan ki cür‘añ ile tâze rûh bula hâk

Kaçan ki cür‘añ ile tâze rûh bula hâk

Tarîk-i ‘ışkda hâk olmadan baña ne bâk

Figân ki cân ile göñlüm bu devrde yakdı

Gehî mey âteşi vü gâh rûy-i âteş-nâk

Rikâbuñ öpmek içün başumı fedâ kıluram

Eger ki bend ola boynuma rişte-i fitrâk

Yele varur çü ese bâd-ı kahr-ı istiğnâ

Niteki ahker ü hâkister encüm ü eflâk

Fenâ riyâzı gül ü goncasından ey ‘Avnî

Nişân virür dil-i sad-çâk ü hırka-i sad-çâk