Kays-ı melâmet-güzîn râh-nümûndur bana

Kays-ı melâmet-güzîn râh-nümûndur bana

Meslek-i ehl-i hıred râh-ı cünûndur bana

Bezmde dil-ber yakar sîne-i agyâre dâg

Bilmez anun her biri dâg-ı derûndur bana

Şem`üne pervâneveş bâl ü perüm yandı çün

Lâzım olan bir zamân sabr u sükûndur bana

Sanma cefâlarla ben fârig olam `aşkdan

Her biri bir şîve-i şevk-füzûndur bana

Şeb ki ala zülfinün bûyını Yahyâ meşâm

Ol gîce bir kâkül-i gâliye-gûndur bana