Kasdun ey dil yüksek uçar bir hümâ pervâzedür

Kasdun ey dil yüksek uçar bir hümâ pervâzedür

Hâke ol itmez tenezzül meyli evc-i nâzedür

Kâmet-i bâlâ belâsıyla çakışdırmak olur

Gussa-i dûr u dırâz zülfi bî-endâzedür

Dâglarla nev-be-nev zeyn eyleyüp `arz ideyin

Meyl ide şâyed görince dâg-ı sînem tâzedür

Bir güzel mecmû`adur gül vasf-ı rûyun yazmaga

Andelîbün rişte-i cânı `aceb şîrâzedür

Yâre `âşıkdur diyü `uşşâkdan gör nagmeyi

Çıkdı Yahyâ nakşımuz `âlemde bir âvâzedür