Karşu tutdum sîne-i sad-çâki senden cânibe

Karşu tutdum sîne-i sad-çâki senden cânibe

Gönder ey kaşı kemânum tîri benden cânibe

Defterin bâd-ı sabâ lü’lû-yı lâlânuñ dürer

İlter olsa dişlerüñ vasfın ‘ Adenden cânibe

Görmesün kimse sakın diyü lebin dişler baña

Bakdugumca ol büt-i şekker-şikenden cânibe

Seyr idelden gülşen-i hüsnüñde kadd ü haddüñi

Çekmez oldı hâtırum serv ü çemenden cânibe

Husrevâ yıllar-durur yoluñda Ferhâduñ geçer

Mâ’ il ol gel Bâkî-i şîrîn-suhanden cânibe