Kalmazsa ger ol kûşe-i dâmân elimizde

Elden ne gelir çâk-ı girîbân elimizde

Zâhid bize peymâne yeter sanma tehîdest

Lâzım mı hemen sübha-i mercân elimizde

Dil teşne beden aşk ile bir mertebe pür tâb

Yahpâre olur ahker-i sûzân elimizde

Biz nice doyunca kanalım câm-ı murâda

Bir lahza komaz sâkî-i devrân elimizde

Ruhsâr-ı arakrîzi yeter yakmağa yârin

Neyler reşehât ile gülistân elimizde

Hat gelse ruh-ı yâre yeter kâkül ü zülfü

Gül gitse nola sünbül ü reyhân elimizde

Bir sünbüle benzer ki ola şebnemi vâfir

Nefî yine bu kilk-i dürefşân elimizde

Son Yazılar