Jâleveş dökme yaşun ol gül-i ra`nâ ter olur

Jâleveş dökme yaşun ol gül-i ra`nâ ter olur

Gonce-i gülşen-i nâz ey dil-i şeydâ ter olur

Ey gönül aglama gül sünbül-i hoş-bûyından

Ebrden nem kapar ol zülf-i semensâ ter olur

Su gibi pâyuna şûrîde gönüller akdı

Korkarın dâmenün ey serv-i dil-ârâ ter olur

Ben mey-i aşk ile mest olmagı tercîh iderin

Bu sözümden alınur gerçi ki sahbâ ter olur

La`l-i cânâneye benzer diyü helvâ-yı teri

Agzuna alma leb-i nâzüki Yahyâ ter olur