İstemem dermânı şâhım dilde derdiñ var iken

İstemem dermânı şâhım dilde derdiñ var iken

Hasretiñle dîdeler şeb-tâ-seher bîdâr iken

Bu dil-i mecrûha yok bir vech ile çâre şehâ

Kâbil-i dermân olur mı gamzeler sehhâr iken

Fikr-i zülfüñ ‘aklımı yagmâya virdi ey perî

Leyle-i zulmetdeyim çeşmiñ gibi bîmâr iken

Urmamışdı destini Mansûr'a cellâd-ı kazâ

Kâkülüñ zencîrine ‘âşıklarıñ ber-dâr iken

Var mıdır Leylâ'ya derdinden rehâ tâ haşre dek

Sînesi her dem cerîh-i hançer-i âzâr iken