İlâhî ‘âlem içinde saña yol toġrı kim vara

İlâhî ‘âlem içinde saña yol ṭoġrı kim vara

Eger sen ḳılmasañ dermân şifâ bulur mı şol yara

İlâhî biz ḫaṭâ ḳılduḳ bilürüz yolda yañılduḳ

Dönüben ḳapuña geldük bizi sen virme aġyâra

İlâhî server-i ‘âlem Ḥabîbiñ Muṣṭafâ ḥaḳḳı

Yalıñuz ḳoma yoluñda irişdür bizi ol yâra

İlâhî cümle maḫlûḳât senüñ emriñdedür yeksân

Eger sen ḳılmasañ iḥsân ḳalurlar külli bî-çâre

İlâhî cism-i insânı daḫı nefs ü dil ü cânı

Müsaḫḫar eyle derdiñle yanalum ‘aşḳ-ıla nâra

İlâhî sen kime fażlıñ iderseñ vaṣlıña burhân

İşinde ḳalmaya noḳṣân ki senden ire kim yara

Sinân Ümmî senüñ her dem ḳapuñda zâr u sergerdân

Ya senden ġayrı bir kimse ḳılar mı derdine çâre