İlâhî dilerem senden

İlâhî dilerem senden

Bize lutf u ihsân eyle

İçür ‘aşkıñ şarâbını

Bizi mest ü hayrân eyle

Al gitsün gafleti benden

Ref‘-i hicâb eyle cândan

İki cihân sevgüsinden

Ṣoyup bizi ‘uryân eyle

Yoldaş itme nâşî ile

Saña münkir kişi ile

Yaḳup ‘aşḳ âteşi ile

Baġrımızı biryân eyle

Yoluma yoldaşlar eyle

Ḥâlime ḥâldaşlar eyle

İlâhî dervîşler eyle

Diẕârıñı seyrân eyle

Ben ṣaḳınmazam bu cânı

Tek bulsunlar bunlar seni

Var imdi Ümmî Sinânı

Yollarına ḳurbân eyle