İltifât etmez dirîgâ ol şeh-i âlî cenâb

İltifât etmez dirîgâ ol şeh-i âlî cenâb

Gam helâk etti bizi sun sâkîyâ lutf et şarâb

Jeng-i gamdan pâk eder mirât-ı kalbin âşıkın

Zâhidâ iç mevsim-i güldür şarâb-ı lal-i nâb

Darb-ı ta’n-ı hâside âhen siperdir gûyıyâ

Sînem üzre hasret-i hâlinle dâğ-ı bîhisâb

Benzetirmiş kendüyi âyîne rûy-ı dilbere

Her işi aksine ancak kimseden etmez hicâb

Öykünürmüş çeşm-i yâra Nefî’yâ nergis dahi

Yok imiş anda basîret var ise mest-i harâb

Nef'î