İlim bahr u vücûd asdâf anın dürdânesiyem ben

Ma'ârif kenz ü dil vassâf anın virânesiyem ben

Benim ilmim katında müctehidler âciz oldular

Veli ilm-i ilahinin deli divânesiyem ben

Birer hâle cihânın halkı bir bir râzı oldular

Benim bir hâle meylim yok bilmem Hakk'ın nesiyem ben

Bî-külli âlemin halkı bilirler bende bir derd var

Bilinmez sevdiğim kimdir nenin mestânesiyem ben

Eğerçi suver-i âharda geldim âlem-i mülke

Ne mâziyem ne müstakbel her ânın ânesiyem ben

Ne Mısrîyem ne Mehdîyem ne Îsâyam ne insânam

Bu yanan dâima şem'in velî pervânesiyem ben

Son Yazılar