Iyd oldu rûze-i gama iftâr vaktidir

Devr-i piyâle geşt-i çemenzâr vaktidir

Doğdu sepîde-i seher-i ıyd baʿd-ezîn

Bang-ı horûs-ı tâliʿ-i bîdâr vaktidir

Germ et fûruğ-ı tâbını ey âftâb-ı nâz

Çeşm-i niyâza bahşiş-i envâr vaktidir

Versin dehân u rûy u lebin bâğ-ı hüsne zîb

Gül faslı lâle mevsimi gül-nâr vaktidir

Câm-ı tehî nevâna kulak tutdu sâkiyâ

Kul kul terennümâtını tekrâr vaktidir

Koy pîş-i ehl-i tabʿa bu şeş beyti ey Nedîm

Best ü güşâd-ı şeş-der-i eşʿâr vaktidir

Nedîm

Son Yazılar