Iltifât eyler sana ey dil o şâh-ı nîk-baht

Iltifât eyler sana ey dil o şâh-ı nîk-baht

Meyl ider elbette hâke mîvedâr olsa dıraht

Gevher-i kân-ı ma`ârif oldugunçün hüsrevâ

Eyledi Mevlâ seni zînet-fezâ-yı tâc u taht

Şeh-süvâr-ı `arsa-i ikbâl ü `izzetsin müdâm

Olmasun şâhum semend-i devletün bî-zîn ü raht

Dest-i kahrunla `adû kaddini ham itmek nedür

Kuvvet-i bâzûna nisbet kavs-i çarh olmaya saht

Müttekâ-yı zer-keş ü zer-beft Yahyâ'ya yeter

Künc-i gamda rûy-ı zerdin kodugı bir iki laht