Hüsn ile mümtâz olaldan verd-i handânun senün

Hüsn ile mümtâz olaldan verd-i handânun senün

Dâg-dârun lâleler güller perîşânun senün

Serv ü`ar`ar diyeler bâri olayduk sâyesi

Gelse reftâra kaçan nahl-i hırâmânun senün

Kârbân-ı Çine hâcet yok yayıldı `âleme

Bûy-ı zülf-i müşgbâr-ı anber-efşânun senün

Gül-`izârın anduk ey dil var ise gülzârda

Bülbüli dinletmedi feryâd ü efgânun senün

Eylesen mahsûs Yahyâ'ya cefânı dostum

Lutf-ı bî-pâyân olur cevr-i firâvânun senün