Hûn-ı eşkinden olupdur bülbülün her âb sürh

Hûn-ı eşkinden olupdur bülbülün her âb sürh

Bâgda olsa aceb mi sünbül-i sîr-âb sürh

Ol şeh-i âlem kimün kanına girmişdür bu gün

Hışmnâk olmış ser-â-pâ giydügi esvâb sürh

Ser-suhanlar sürh ile yazılsa hûb olur diyü

Hall ider vasf-ı lebünçün dîde-i ahbâb sürh

Kâtib-i kudret şehâ bir nokta yazmış sürh ile

Hîç gözler görmemiş hakkâ `aceb nâ-yâb sürh

Zâhiri Yahyâ iden ma`mûr bâtın hâlidür

Şîşeyi gösterdigi budur şarâb-ı nâb sürh