Hûn-ı dil mey kâse-i ser anda bir peymânedür

Hûn-ı dil mey kâse-i ser anda bir peymânedür

İşret-âbâd-ı mahabbet bir ‘ aceb mey-hânedür

Yanar od içre girür şem’ -i ruhuñ şevkıyla dil

Yanmadan pervâsı yok her hidmete pervânedür

Çarhuñ ey dil umma bu sırça sarâyından sebât

Kim nice mîrâsa girmiş hâne-i vîrânedür

Ma’nîde bir dûd peydâ kılmış âteşdür cihân

Sûretâ bir hûb kâşî kubbelü kâşânedür

Bâkıyâ baş egme dehr-i dûna çün rûy-ı niyâz

Âsitân-i Hazret-i Sultan Süleymân Hânadur