Hâtır-ı pâkine konmuş bâd-ı âhumdan gubâr

Hâtır-ı pâkine konmuş bâd-ı âhumdan gubâr

Hâk-i pâyine yetiş ey eşk eyle i`tizâr

Kûyına gitdükce yârün kaçma hem-râh olmadan

Kimseye bâr olmaz ey bâd-ı sabâ cism-i nizâr

Pür hatardur reh-güzâr-ı aşk bin baş bir pula

Satılursa nola bir gül-berg yolında bin hezâr

Dinledür bî-çâre bülbül hârdan feryâdını

Mülk-i gülşende Süleymân-ı gülün dîvânı var

Işigünde gözi yaşlu âşıkun bin var iken

Nev-cevânum bin yaşa Yahyâ'yı itdün ihtiyâr