Himmet-i sultân-ı `aşkun ey şeh-i `âlî-cenâb

Himmet-i sultân-ı `aşkun ey şeh-i `âlî-cenâb

Çeşme-i çeşmine uşşâkun getürdi yine âb

La`l-i nâbun hâke saldı cür`aveş `âşıkları

Itdi bir bezm ehlini bir katre mey mest-i harâb

Gelme ey hatt-ı siyeh la`liyle ben hoş-hâl iken

Nâ-mülâyimdür bilürsin meclis-i meyde kitâb

Kandadur diyü nola sormazsa dil-ber hâlümi

Kanda kem-ter zerre-i nâ-çîz kanda âftâb

Vasf-ı hatt-ı yâr Yahyâ şöyle te'sîr eylemiş

Hâme reftâr eyledükçe geldi bûy-ı müşg-i nâb