Her turrasında bin şiken-i dil-rübâsı var

Her bir şikenc-i turrada bin mübtelâsı var

Bir pür nemek kirişmesi bir tatlı handesi

Bir şekkerîn tekellümü bir hoş edâsı var

Seyret beyaz fesde o zülf-i muʿanberi

Şeb-bûyu gör ki berk-i semenden kabâsı var

Kim vasfını ne ben diyeyim hod ne sen işit

Ammâ biraz vefâcığı nâkıs şurası var

Bir çeşmi var ki bir nice yüz bin lisan bilir

Bin hem-zebânı hem-demi bin âşinâsı var

Bilsen begim ederdi seni eşk bî-karâr

Şimdi Nedîm'in öylece bir mâcerâsı var

Nedîm

Son Yazılar