Her kimi esîr etse o çeşm-i siyeh-i mest

Her kimi esîr etse o çeşm-i siyeh-i mest

Bir zahm vurur elbette ana her nigeh-i mest

Âşûb-ı dil ü cân olıcak gamze-i sâkî

Mestâne ne işlerse sorulmaz güneh-i mest

Yüz sürmede hâk-i der-i meyhâneye her gün

Eflâke ererse nola tarf-ı küleh-i mest

Seng-i der-i meyhâneye kor başını düşde

Zânû-yı melek olsa eğer hâbgeh-i mest

Sûfî değilim rind-i harâbâtî-i aşkım

Nefî gibi olsam ne acep hâk-i reh-i mest

Nef'î