Her gören ayb etdi âb-ı dîde-i giryânumı

Her gören ayb etdi âb-ı dîde-i giryânumı Eyledüm tahkîk görmüş kimse yoh cânânumı

Lâhza lâhza hûblar gördüm ki dil kasdındadur Pâre pâre eylerem men hem dil-i sûzânumı

Çoh yetürme göklere efgânum ey kâfir sakın İncinür nâ-geh Mesîhâ işidüp efgânumı

Kılına her sâ'at meni rusvâ'yı halk ey berk-i âh Eyleme rûşen şeb-i gam külbe-i ahzânunu

Çıhma ey dîvâne bâzâr-ı melâmetden deyu Muttasıl çâk-i gîrîbânum dutar dâmânumı

Hansı bütdür bilmezem îmânumı garet kılan Sende îmân yoh ki sen aldun diyeni îmânumı

Ey Fuzûlî câna yetmişdüm gönülden şükr kim Bağladum bir dilbere kurtardum andan cânumı