Hep güzeller arasında buldu hüsnün çok revâc

Hep güzeller arasında buldu hüsnün çok revâc

Cem olup uşşâk bir bir sana eyler ihtiyâc

Hüsn içinde bu ne şahlıkdır ki şâhân-ı cihân

Cân verirler yoluna ya kanda kaldı taht u tâc

Nice zahmetler çekip üftâdeler vaslın umup

Âkıbet dermân yerine derdini kıldı ilâc

Nimet-i vaslın atâ kılsan nolur âşıklara

Hân-ı fazlından ne gider doysalar ger cümle aç

Ey Niyâzî eremezsin ölmeyince vuslata

Âdet oldur yâr ilinde cân alırlar hüsne bâc