Hemân bezm-i cihânda râzdâr-ı dîde vü gûş ol

Misâl-i şuʿle ser-tâ-pâ zebân olsan da hâmûş ol

Hod-ârâyî değildir şîve-i rûşen-dilân ey dil

Safâ-yi kalb ile âyîneye bak da nemed-pûş ol

Gönül ser-germi-i câm-ı musaffâ güçdür ammâ kim

Gehî âlâyiş-i bezmi temâşâ kıl da medhûş ol

Olur elbette meftûn-ı çelîpâ ol büt-i tersâ

Kenâr etmek dilersen dâ'ima be-güşâde-âgûş ol

Olur bu rûzgâr elbet müsâʿid cevherin arza

Hemân sen hem-çü deryâ dâ'imâ âmâde-i cûş ol

Ne var sâyende feyz-i âlem-i bâlâyı seyr etsin

Nedîme ol ser-âmed kadd ile bir kerre hem-dûş ol

Son Yazılar