Hazz eder dil gam-ı cânân ile bîtâb olacak

Hazz eder dil gam-ı cânân ile bîtâb olacak

Ol safâyı bulamam mest-i mey-i nâb olacak

Gam-ı aşkın dile geldikçe komaz cânda elem

Yer kalır mı kedere hânede ahbâb olacak

Dil değil kevn ü mekân olsa yerinden koparır

Halka-i turra-i zülfün gibi kullâb olacak

Götürür tenden okun pârelerin eşk-i revân

Has u hâşâki komaz hâkde seylâb olacak

Nola gark olsa felek âb-ı hayât-ı sühene

Lüle-i hâme-i Nefî mîzâb olıcak