Hayfâ güdâz sîne-i hasret-keşîdeden

Hayfâ güdâz sîne-i hasret-keşîdeden

Âb oldu akdı dildeki peykânı dîdeden

Der-kâr olursa terbiyet-i aşk-ı nev-bahâr

Güller biter cigerdeki hâr-ı halîdeden

Peyveste ebrûvânını yâd eyleyüp senin

Gitmez tanîn gûş-ı kemân-ı keşîdeden

Temkînin iʿtibârını seyr et ki feyz alır

Peymâne-i şarâb hûm-ı âramîdeden

Câm-ı şarâbı gör bize sen şimdilik Nedîm

Fersûdedir dimâğ gazelden kasîdeden