Havf ider sanma beni hançer-i bürrânuñdan

Havf ider sanma beni hançer-i bürrânuñdan

Degme nesneyle kesilmem şanemâ yanuñdan

Gül gibi pâreledüñ sînemüzi ‘ aşk ile lîk

Almaduk bûy-ı vefâ gonca-i handânuñdan

Niçün ol yâre rakîbâ didüñ îmânumsın

Göreyin aynlasın son demi îmânuñdan

Cezbe-i ‘ aşkuñ ile olmasa meczûb güneş

Her seher atmaz idi kendüyi eyvânuñdan

Husrev-i mülk-i suhân oldugum ey Bâkî

Fehm ider ehl-i nazar defter ü dîvânuñdan