Hatt u leb ü izârı ruh-ı yâri bozdılar

Hatt u leb ü izârı ruh-ı yâri bozdılar

Tagıldı müşterîleri bâzârı bozdılar

Agyârdan ayırdılar ey meh-likâ seni

Bir hîle ile leşker-i küffârı bozdılar

Zülfin tagıtdı yâr gönül oldı bî-karâr

San âşiyân-ı bülbül-i gülzârı bozdılar

Kaldı nukûd-ı eşk-i ruh-ı zerd geçmeden

Gitdi revâcı dirhem u dînârı bozdılar

Yahyâ alurdı nakd-i dil ü câna vaslını

Ol dil-rübânun itdigi ikrârı bozdılar