Hasretinle gül-i ter şerha çeker pehlûya

Şâh-ı gül dâğ yakar şevkın ile bâzûya

Bûseden gül gül olup ârız-ı âli dönmüş

Gögerüp sîb-i zenahdan gül-i şeftâlüye

Bir küleh başına fağfûr da olsan besdir

Değmez ey hâce cihân mâlı bu cüst ü cûya

Cebr ile hâtır-ı maksûrum olur peyveste

Şiken-i tarf-ı külâhın şiken-i gîsûya

Sünbül âşüfte olur hâb-ı perîşânından

Nergis-i mestî ki gülşende vara uyhuya

Ham olur püşt-i kemân gayret ile şâʿirler

Cevher-i tîğ dedikçe girîh-i ebrûya

Olmaz el-kıssa pesend etmemek ahbâb Nedîm

Böyle pâkize edâ bir gazel-i dil-cûya

Son Yazılar