Hasret-i verd-i ruhuñla aglarım ey mâh-rû

Hasret-i verd-i ruhuñla aglarım ey mâh-rû

Bülbül eylerse ‘aceb mi nev-bahâra ârzû

Çözme zülfüñ ey perî ‘aklım perîşân eylediñ

Üstüme lâyık mıdır gam leşkeri ide gulû

Âşıkım ‘âşık bu yolda lâubâlî-meşrebim

Yâr içün ölsem dahi agyâra itmem ser-fürû

Arz-ı dîdâr eyle de bîgâneye leyl ü nehâr

Âşık-ı bî-çâreler kan aglasun lâyık mı bu

Çok figân itdiñ der-i kûyında ammâ bilmedi

Rû-be-rû ‘arz eyle Leylâ hâliñi şimden girü