Hande-i gonca temâşâ-yı nihâlindendir

Hande-i gonca temâşâ-yı nihâlindendir

Tâbiş-i şuʿle gül-i berk-i cemâlindendir

Hâlenin reşk ile hûn olduğu ser-tâ-be-kadem

O miyâna sarılan kırmızı şâlindendir

Deyr-i dil böyle sanem-hâne-i Ferhâr olmak

Hep senin ey büt-i nâzende hayâlindendir

Döndüğü kâleb-i fersûdeye cism-i zârın

Yine ey rûh-ı revân fikr-i visâlindendir

Var ise yine Nedîmâ sana bu feyz-i sühan

Tûti-i nâtıka-yı şûh-makâlindendir

Nedîm